اه مفيش عنوان ايه الجديد يعني حجات كتير ملهاش عنوان في حياتنا وبنعديها جت عليا انا وتقولي العنوان ايه
لا يا عم مفيش عنوان المهم ما علينا من العنوان او غيرة انا جبت جاز واتخنقت من كل حاجه واي حاجه
تعمل ايه لو كانت حياتك زي البلاي ستيشن بس للاسف في اتجاه واحد يعني متعرفش ترجع او تعيد
مش فاهم ازاي ............. اقولك ازاي
لما انت تكون اداه في ايد ابوك وامك
يعني ايه اداه
اقولك انا
ونبدأها من بدري وانت في اخر اعدادي كده؟!. قشطه
حوار بسيط جدا
في اجازة نص السنه سنه 99 كده
قمت من النوم غسلت وشي وصليت وكلت موزة وروحت علي الجهاز العجيب اللي اشتريناه جديد
الكمبيوتر........................خد بالك في موسيقي تصويرية دلوقت
المهم فتحت الجهاز سمعت صوت من اقصي مكان في البيت انت يا حيواااااااااااااااااااااااااااااااااااااااااااااااااااااااااااااااااان ايه اللي خلاك فتحته
انا:عادي يا بابا العب شوية
الاب:قوم اقفله
انا:طيب ليه
الاب:انت هتصاحبني يا بن الكلب يا وسخ هترد عيلا متيجي تاخدلك قلمين بالمرة
انا :عاوز العب
الاب:قلت اقفل يا بن الكلب بدل ما اقوم اكسر وشك
انا:طيب
طبعا بقعد اسب والعن بس مش بقي في سري لا ده انا بحفر حفرة وانزل واردم علي نفسي واتغطي واسب في سري
المهم خلص ده
انا:باباعاوز انزل العب في الشارع
الاب:لا
انا :ليه ده انا هلعب في بوابة العمارة
الاب :قلت لا وبعدين انت ياللي عاوز تلعب صليت ولا لا
انا:اه صليت
(ده بقي في وجهة نظر البعض انه دعوه للصلاة عشان ربنا يرضي علينا لكن هنا بقي وجهة نظر مختلفه للاب عشان يا اما يقيم الدنيا ولا يقعدها ضرب وشتيمه وتهزيق زي متكون الصلاة دي لو صليتها هيقولو اللي بيصلي اهه)
المهم
نرجع تاني
الاب:قوم هات كتاب البيت باي بيت اللي جبتهولك الصبح (bit by bit) ده كتاب زي بتاع سلاح التلميذ بس للانجليزي
انا:طيب
الاب : ذاكرلي بقي اول صفحتين للكلمات دي وهسمعهوملك كمان ساعتين
انا:اذاكر حتي وانا في الاجازة ايه ده
الاب:قوم يا بن الكلب يا وسخ ذاكر يا فاشل يا بن الكلب
انا:وانا كاره نفسي واحيانا بدعي علي مفسي طيب
المهم ذاكرت وروحت عشان اسمع المكان اوضة النوم بتاعة بابا طبعاقاعد بيتفرج علي ماتش او فيلم اجنبي ومش مركز معايا اصلا _تفسرو ده بايه _
المطلوب مني بقي اني اركز مع الشخص اللي هو مش مركز معايا اصلا
سمع
اول كلمة صح تاني كلمه صح التالته وهكذا................ لحد الغلطه الالقي علامة اكس علي الكلمة لو واحدبينتقم من واحد مش هيعملهالو كده العلامه اكبر من الكلمة اصلا ونفسي اعرف ليه
المهم لو اعترضت تبقي سنة امي سودا ضرب وشتيمة بكل حاجه
ما علينا
عدت الايامومرت بهذا الشكل والمنوال لحد ما نتيجة طلعت قول نقصت كام درجة كده ها 5........10............15...........20........100........... لا ولا اي حاجه من دول ممكن 2 درجه في المجموع كله
او درجة في كل ماده
اتفرج بقي امة محمد تتفرج عليا
وتسمع التهزيق زوانت في اول الشارع
والشهاده تتعلق في اي حيطه ع البيت والرايح والجاي يتفرج
وتهزيق وتريقه
انا مش عارف ليه
المهم لو فرضنا بقي اني راجع من امتحان في مرة وطبعا ابويا واقف مستنيني ع باب المدرسة وغلطت مثلا في امتحان اجمعت مدرسة بالكامل انه اصعب واغبيامتحان اتحط في تاريخ المدرسة واتحط لتعجيز الطلبة من مدرس لسه مترقي مدرس اول
من الامثلة اللي لسه فاكرها لحد النهارده بعد 13سنه
جمع جمع انسان(انس-اناسين-ناس-اناس-الكل)......قولي انت بقي تختار ايه ؟
الامتحان كله بالمنظر ده
غلطت كتير مع اني كنت مذاكر
اليوم ده كان اصعب يوم شفته في حياتي
كنا في رمضان وكنت صايم كنت في اولي اعدادي
من عند المدرسة لحد البيت شتيمة
اول ما دخلت اجارك الله
ضرب وشتيمه انا فضلت انضرب ضرب متواصل لمدة 3 ساعات وفي زجاج كان محطوط ع مكتب عادي طبيعي وكان عليه كلكتبي بتاعة كل حاجه شاله وحدفني بيه
وكل لما اجي اقف يزوقني ع السرير ويضرب اتكسر عليا خرزانتين واتقطع 3 احزمه وامي رايحه تفتح الشباك بتاع الاوضه علي اخرة
اللي انا مش لاقي سبب للتصرف ده لحد النهارده
لحد ما تعب هو خرجدت من البيت رحت لخالتي فطرت عندها
واما رجعت بالليل بيقولي متزعلش........!!!!!!!!!!!! عارفين لحد النهارده انا لسه في اثار للعلقه دي والنبي حد يقولي احنا لما بنتعلم بنتعلم عشان نفسنا ولا عشان لما يقعدو في وسط الناس يقولو ده انا ابني معرفش ايه وجايب ابصر ايه
والله حاجه تغيظ انا زهقت من الكتابه نكمل بعدين
