زمان

زمان وانا صغير كنت بقعد اهبل واكتب اي كلام
من ضمن الحجات اللي كنت بارع في كتابتها قصص الاغتيالات والخطط والحجات دي
وكنت ببقي فرحان اوي وانا بكتب واحسس نفسي انها بتحصل واتنفذت واللي هموته ده مات
كنت اخلص واجري اوريها لامي وابويا
كنت بلاقي كم من السعاده رهيب

وبعد كده اللي كتبته يتقطع
وبصراحه كانو بيزرعو فيا كيفية احترام الظابط المصري وبالاخص امن الدولة


بمعني
انت عارف يا استاذ لو الكلام ده وقع في ايد حد هييجرجرو ابوك علي امن الدولة ويسجنوه
وطبعا من منطلق تفكير الطفل كنت بترعب
وفي قرارة نفسي بقول
بابا لا بابا لا بابالا
اما كبرت وبدأت اوعي واعقل ما يدور كنت فقدت القدرة علي كتابة حتي قصص ميكي
ساعتها فقدت كل شئ
ولحد دلوقت فاقد مش عارف اعمل ايه ولا انا عاوز ايه

جرافيتي أحمد عادل الموجي,كاشف عروض بناتنا, أنشروه وأفضحوه في كل مكان بقى

جرافيتي أحمد عادل الموجي,كاشف عروض بناتنا, أنشروه وأفضحوه في كل مكان بقى: جرافيتي أحمد عادل الموجي,كاشف عروض بناتنا, أنشروه وأفضحوه في كل مكان بقى

سميرة ابراهيم

كل مصيبتها انها وثقت في اللي بيتقال عليه قضاء عادل



واهو لا طلع عادل ولا ليشع حتي
قالك المجند الدكتور معملش حاجه
مصر فيها اوساخ كتير واوسخ ما فيهم راجل مؤهل عالي يعني طب هندسة اي حاجه ويكون رايح عشان يقضي جيشة ويططلع ظابط ياااااااااااااااااااااااااااه


بيبقي كاره نفسه وهو رايح
اول ما بيخطلط بالبيئه العسكرية وبالظباط اللي مش كلهم اوساخ
بيبدأ يتعلم منهم كل حاجه حلوة

بالك انت الظابط بيبقي الشر اللي جواه علي قدر علمه في الدنيا
تخيل بقي لو كان ضيع من عمره 7 سنين وداخل يضيع 3 كمان وفي في دماغه شوية شر طبيعي من اللي عند الشباب اللي بيكون ناتج عن حياة الكلية
اللي بيخطلط فيها بناس استحاله ع ظابط الجيش يخطلط بيهم عشان كده بيفضل عبي ومفضوح
المهم الراجل المدني ده اللي في الزي الابيض المموه بيبقي اكثر شر وغدر من اي ظابط لانه مجبر علي اللي هو بيعمله

وعلي راي المثل اسال مجرب ولا تسالش طبيب وانا مجرب الدكاترة المجندين كويس جدا



المهم
........................
تفتكرو سميرة دلوقتي حاسه بايه


نقول مكسورة
مدشدشه
بتموت الف مرة كل دقيقه
حاسه انها في اسرائيل مش في مصر مثلا
حاسه انها غلطة غلطة عمرها لما فكرة انها تنزل مظاهرة او اعتصام




تفتكرو اتمنت الموت كام مره
بعد اللي حصل



معتقدش ان حد هيقدر يجاوب لان الاجابة صعبه جداااااااااااا


وده واقعنا:::::::
أزى نبص لروحنا جوه مرياتنا
أذا إحنا عشنا هاربنين من الحقيقه
ومين نكون إن بعنا يومنا وماضينا
وليه نعيش اذا مكانش بكره يرضينا
وإزى ننام من غير ما نحلم ببكره
وبكره ده إزى هيجى إذا كانش بأيدينا

الهندسة مستقبل مضمون

راحت الثانوية العاميه وراح درس الكيمياء والفيزيا بغباوتهم وغباوة مدرسينهم وراح زمن الميكانيكا والديناميكا والفراغية حسبي الله ونعم الوكيل في اللي دخلني علمي رياضه لما تكون بتحب العربي والادب و قارئ جيد للشعر القديم وتكاد تكون بروفيشينال في النحو وبتحب التاريخ والجغرافيا جدا يبقي الطبيعي تدخل ايه .......... سامع واحد غبي بيقول ادبي انت حمان يا حمان ايوة حمان مهو انت كده محصلتش مرتبة الحمار _يا اللي بتقرا انا بحترمك بس دي وجهة نظر الوالد والوالده_ لازم تخش علمي رياضه تخش هندسة......... طيب ازاي الاهل : احنا سالناك انت عاوز تخش ايه قولت معرفش يبقي احنا اخترنالك حاجه حلوة الام :(كان نفسها تخش هندسة بس للاسف الحظ محالفهاش وجت ع دماغي مع لنها رياضيا وحسابيا وهندسيا تكاد تكون عبقرية ) الاب: اهم ما يشغله شكله قدام الناس الناس تقول ايه ازاي ابن ..... يبقي تجارة ولا تخش كلية ليها علاقه بالتاريخ ولا العربي ليه ها ليه متردو يا بهايم عشان هتطلع تشتغل ايه تقعد جنبي.....!!!!!!! المصيبة بقي تكمن في الاتي دخلت كلية الهندسة (خاصه طبعا لاني فاشل في الرياضه ) ربنا سترها معايا وعديت الخمس سنين بالزور والعافية كل سنه بكام مده الترم الاول 5 مواد مثلا والتاني اتنين وهكذا المصيبة انهم مصدقين اني مقصر دراسيا ولما اقول يا ناس انا مبحبهاش وانتم دخلتوهاني عافية يقولولي انت غبي سالناك وقلت معرفش اخترنالك احسن حاجه نهار اسود احسن حاجه بالنسبة ليكو مش هفلح حتي فيها يدوب لو حصلت موظف في اي مصلحه لكن انا كان نفسي ابقي مبدع في مجالي مش بطيخه وده الواقع دخلنا الكلية وخرجنا ودينا قاعدين يعني اللي كان متوقع انه يحصل لو دخلت الكلية اللي كان ممكن تحقق ميولي حصل في اللي اختاروه هما في الاخر قعدت جنبة برضه بس في فرق بقي الاسم مهندس براس حمار وقاعد زيي زي اي واحد . . . . . لا مش اي واحد وربنا انا لو معايا صنايع كنت عرفت اشتغل بيها عن الهندسه حاجه تغيظ اوففففففففف